::::::++أبــــنـــــــاء الـــبـــــتـــــــولـــــ ++:::::::
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 نكت يا رب تعجبكم (جامد)

اذهب الى الأسفل 
كاتب الموضوعرسالة
toti



ذكر عدد الرسائل : 13
العمر : 23
اية من الكتاب المقدس او مقولة حلوة زيك : كل الأشياء تعمل معاً للخير للذين يحبون الله
كنيسة التابعة لها : كنيسة مارمرقص و الأنبا شنودة بمدينة 15 مايو
تاريخ التسجيل : 30/05/2009

مُساهمةموضوع: نكت يا رب تعجبكم (جامد)   الجمعة يونيو 12, 2009 9:51 am

واحد صعيدى مغرم بعمرو دياب راح دفن
نصفه فى الارض ؟؟عشان يصور فيديو انا عايش و مش عايش




مره 2 مساطيل ماشيين مع بعض راح
واحد سال التانى هو التعلب بيولد ولا بيبيض راح قاله دا مكار توقع منه اى حاجه


بيقولك مره واحد صعيدى ماشى فى شارع لقى عشره جنيه
قام بص يمين وبص شمال وخدها وحط بدلها خمستين





مره تلاته مجانين راحوا للدكتور بتاعهم فى المستشفى وقالوله انهم خفوا وعقلم راح الدكتور سالهم سؤال راح يسال الاول وقاله الخمسه فى سته بكام قام قاله بالف وربعميه
قاله غلط راح سال التانى وكرر السؤال راح جاوب وقاله بخمسين قاله غلط راح مكرر السؤال وسال التالت راح التالت مجاوب تلاتين راح الدكتور قاله برافو وعرفتها ازاى قاله انا طرحت الف وربعميه من خمسين طلع الناتج تلاتين



مره تلاته مساطيل قاعدين بيحششوا قدام مرايه فواحد منهم بص فى المرايه وقالهم يا جماعه مش ملاحظين من اول ما قعدنا
وفى تلاته قعدين قصدنا بيرقبونا فقوموا واحد منهم عشان يشوف ايه الحكايه فاول ما قام قالوله خلاص اقعد فى واحد منهم جاى علينا



مرة 3 أطفال راحوا محل لعب واحد بيقول للراجل عمو عمو عايز بلونة الراجل جاب السلم وطلع جاب له بلونة ونزل فسأل التاني وانت عايز ايه .
قال له بلونة قال له ماقلتش ليه وانا فوق المهم طلع جابهاله وهو فوق سأل الولد التالت وانت كمان عايز بلونة قال له لأ فنزل الراجل وقال له امال عايز ايه قاله عايز بلونتين



مرة اثنين مساطيل كانوا راكبين عربية وكان فى العربية دى قدامهم مراية فالأول بص فيها وقال الخلقة دى مش غريبة عليا
فالتانى قاله ورينى كده فلما بص قاله ايه ياعم انت مسطول ده انا



مرة واحد صعيدي جالس مع صحابه بيقولهم :انا من شهرين كنت في رحلة صيد طلع علي اسد رميته
بطوبه مات فقاله صاحبه: كدبه كبيرة فقال الصعيدي انا من اسبوعين كنت في رحلة صيد طلع علي اسد بصيتله بصة حزم خاف و جري فقاله صاحبه :كدبه اكبر فقال الصعيدي انا من يومين كنت في رحلة صيد طلع علي اسد اكلني و مرتاح دلوقتي



واحد عنده كلب بيطلع يصطاد معاه طيور كل ما يضرب طلقة الكلب يخاف سال واحد صاحبه يعمل ايه
قاله روح بيه أفراح كتيرة فيها ضرب نارلمدة 6 شهور علشان قلبه يجمد وبعد 6 شهور راح يصطاد وعندما ضرب طلقة راح الكلب مزغرت زى ما شاف فى الافراح

واحد بلديتنا رجع بيته لقى مراته فى السرير مع أثنين .. صرخ وهاج مراتى

بتخونى ... بسرع رد عليه شاب منهم احنا الكاميرا الخفية لو مش عايز تذيع
قول ما تذيعشى ... رد بلديتنا لأ ذيع خللى الناس تنبسط


مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت



*****************
مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت.



*******************
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما.




*****************
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى



****************
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .





*****************
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض


****************
****************
واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."

"


************
************
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن".




*************
*************
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق.




*************
مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجه الاب يلطشه ألم فابعد الابن نفسه فضرب الزبون، ثم اكمل الابن فجرح الرجل مرة تانية وتكرر نفس الموقف، بعدها جت المرة الثالثة وجرح الرجل فقال للولد "بسرعة وخبي الجرح قبل ان يراه ابوك".
ولد يسأل ابوه .... هل الحب اعمى ؟؟؟ رد عليه ابوه
وقال :شوف امك وانت تعرف

في واحد معاه أرنب عايز يبيعه جاه واحد محشش وقال له بكام القرد ؟ رد عليه ..
ياخي ده أرنب مش قرد .. قال المحشش ياسيد الناس أنابسأل الأرنب ماسألتكش



مره اتنين حششاشين عايزن يسرقوا بيت فواحد قال للتانى ايه رايك نزق البيت ده حته
ضلمه ونسرقه.. قاله فكره برضه قلعوا وقعدوا يزقوا جه حرامى
خد الهدوم فبصوا ما لقيوش الهدوم فواحد قال للتانى يالا بينا نسرقه احسن احنا بعدنا
عن الهدوم قووووووووى

مرة واحد صعيدى نزل مصر راح خبطوة عربية طلب طعويض نص مليون جنية

رجع بلدهم وكسب القضية راح واحد سئلة جبت الفلوس دى منين قلو على الى حصل نزل الراجل
بص على العربية قال لا صغيرة نشوف حاجة اكبر علشان الطعويض يبقى كبير راح قدام الاتوبيس
قال لا دة صغير راح قدام القطر قلو تعلالى يبقوا الملايين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت يا رب تعجبكم (جامد)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
++:::>كنيسة الانبا انطونيوس بـاطلس _بحلوان<:::++ :: قسم الالعاب والترفى :: منتدى النكت والضحك-
انتقل الى: